Prinses Renske en prins Youri 

Zadderdigaovend 25 jannewarie zien in unne gezellig drukke Wieksjlaag de neije jeugdhiërsers van de vastelaovend 2014 beij De Beringse Kuus oehtgekome.

Um 19.30 oor waas ut al drek de beurt aan de neije jeugdprins en -prinses um zich bekind te make.

Mèt spannende muziek en hiëlveul zenuwe spronge Joeri Kranen en Renske van Nienhuys oeht de kist as neije jeugdhiërsers van De Beringse Kuus i.s.m. JWB. Naodet Jeugdprins Joeri I en zien prinses Renske I ware veurzeen van de mantels, steek, kroontje en kuuskes mochte ze eure spreuk vertille: "Zing en lach mèt os, dan gaon wae deze vastelaovend hiëlemaol los! ". Toen alle offisjele zake ware verricht ging ut prinselik paar de zaal in vûr un geweldig fiëst!

 

Wilt gae weite wie Jeugdprinsepaar Joeri I en Renske I eur oehtkome hebbe ervare? Kiehk dan komende waek in eur daagbook op de wepsait www.beringsekuus.nl